WENDE NYASAYE 332 - 308

1 Yiengri mana kuom Ruodhwa Yesu, En nokonyi ka, nokonyi ka; Ka in gi geno kuome chutho, Chunyi nobed gi mor.           Yiengri kuome, igen herane;           Yiengri kuome, iyie ng`uonone;           Yiengri kuome, igen polo malo,           Yiengri kuom Ruoth Yesu.           (Yiengri, yiengri kuomi igen herane;           Yiengri, yiengri kuome iyie ng`uonone;           Yiengri, yiengri kuome igen polo malo,           Yiengri kuom Ruoth Yesu.) 2 Yiengri mana kuom Ruodhwa Yesu, Enomenyi yori, nomeny yori; Luwe gi mor ka oteloni, Dwonde mond` iwiinji. 3 Yiengri mana kuom Ruodhwa Yesu, Kikelo chandruokni, chandruok duto; Mago mapek machando chunyi, Ketgi ni Ruoth Yesu. 4 Yiengri mana kuom Ruodhwa Yesu, We duto kuome, duto kuome; Chuny ma en go opong` kod n...

1 Nitie kamaber mar yweyo machiegni gi Nyasaye; Kama richo ok nyal donje, machiegni gi Nyasaye.           Ruoth Yesu ma Jawarwa, No or  koa polo,           Iwinjwa wan mwariti, machiegni gi Nyasaye. 2 Nitie kanyo maber mar hoch, machiegni gi Nyasaye; Kama warom` e gi Jawar, machiegni gi Nyasaye. 3 Kanyo ji duto ni thuolo, machiegni gi Nyasaye, En kama mor gi kwe nitie, machiegni gi Nyasaye. Amin 

1 Ruoth Nyasacha, aneno gik miwuoro, Miseketo e pinyni mwadakie; Wang` chieng` gi due, gi sulwe man e polo, Gik moko te ma lueti noloso. Chunya opong` gi mor kapakoi, Yaye Nyasacha, herani duong`; Chunya opong` gi mor kapakoi, Yaye Nyasacha, herani duong `. 2 Ka awuotho e bunge to awinjo, Winy mapaki gi duonde miwuoro; Ka abedo e gode mabor chutho, Awinjo duonde mag pige mamol. 3 Kaparo ni Nyasaye  nochiwo Wuode, Mondo otho en wach miwuoro ngang`; E wi yadhno noting`o kethna duto, Rembe nochwer moluoko richona. 4 Ka Kristo nobi gi teko gi duong`ne, Nadhi kode nobed mor manade; Nakulra e nyime ka amiye duong`, Kawacho ni In Nyasacha Maduong`. Amin

1 Chungo e singono mar Ruodhwa Yesu, Tienge duto mond` owinj pak mare; Anakogi kawero duong` mar polo, Kachungo e singo mar Nyasaye.           Chungo (Chungo e singono, chungo e singono)           chungo, Chungo e singono mar Yesu Jawarwa;           Chungo (Chungo e singono, chungo e singono) chungo,           Achungo e singono mar Nyasaye. 2 Chungo e singono ma ok nyal rem ngang`, Ka yembe mag kiawa kod luoro kudho; To gi wach Nyasaye ok nyal podho, Kachungo e singono mar Nyasaye. 3 Chungo e singono anyalo neno, Puodhruok mogik kare manotim ni an; Chungo ka an thuolo nikech Ruoth; Kachungo e singo mar Nyasaye. Amin

1 Waweruru wer mamiyowa mor e yo, Machiegni wanadhi dalawa; Mudho norum chuth chieng`no ma Ruodhwa nobi, Machiegni wanadhi dalawa.      Wachiegni donjo (wachiegni donjo, wachiegni donjo)      Wachiegni donjo, ka chandruok orumo chuth;      Wanarom chieng`no ka yembe duto okuwe,      Machiegni wanadhi dalawa. 2 Watimuru tich gi getokowa duto te, Machiegni wanadhi dalawa; To ng`uono Nyasaye nomiwa teko pile, Machiegni wanadhi dalawa. 3 Walosuru yo ni tiende duto mool, Machiegni wanadhi dalawa; To chuny mar hera oywa joma ni butwa, Machiegni wanadhi dalawa. 4 Wanaywe kanyo ok wanabed gi parruok, Machiegni wanadhi dalawa; Dalano ma rieny pi wang` ok nochwerie ngang`, Machiegni wanadhi dalawa. Amin

1 Ruodha telna kuom kuyo moluora, Med telona, mudho olil an mabor gi dala; Med telona ok anyal neno mabor moloyo, Yie itelna mondo alu bang`i. 2 Ne an mabor ne ok ageno kuomi, Koro telna; Ne ahero yiero yora awuon, koro telna; Chunya kod ringruok ne kedo lweny mager, Sunga machon ok anapar kendo. 3 Teko mari mosegwedha adier, Pod notelna kuom chandruok gi masiche moluora ndalo duto; Bang`e namor kod jomalaika masegombo neno ndalo duto.  Amin